Министерство за култура и туризам
Новости
Сулејмани и Ерсој во Анкара: Нови можности за соработка во културата и туризмот
Календар на активности
Мисија
Поттикнување на културата, особено преку поволни услови за остварување културни вредности и уметничко творештво, еднакви услови за изразување, негување и афирмирање на културниот идентитет на заедниците во државата. Обезбедување право на слободно творештво, независно од возраста, образованието, верската, етничката или друга припадност, професионално или аматерски, како и право на образование за областа култура. Објавување дела од областа на уметничкото творештво и заштита на материјалното и духовното наследство на сите граѓани. Инвестирање во развој на културната инфраструктура, поддржување на уметноста и промоција на богатото наследство на Македонија на домашен и на меѓународен план. Со зголемување на квалитетот на туристичките понуди и подобрување на искуството на посетителите, се овозможува зајакнување на локалните економии и афирмација на убавините и различностите на нашата земја.
Визија
Висококвалитетна, разновидна, кохезивна, креативна култура, која создава социокултурен и економски развој на национално и на локално ниво, посветена на развојот на уметничкото творештво, продукцијата и дистрибуцијата на културните добра, културните и креативните индустрии, заштитата на културното наследство, со вредности препознатливи во меѓународни рамки. Културата поврзана со туризмот овозможува економски просперитет и афирмација на сите богатства и убавини што ги има нашата држава, зацврстување на културниот интегритет и негова промоција на глобалната сцена.
