Соопштенија

Форум за развој на културните политики и претставување на првичниот нацрт на стратегијата за културен развој (2018-2022)

Министерството за култура на Република Македонија, на 14 септември 2017 година (четврток) со почеток во 10:00 часот во Кинотека на Македонија во Скопје, организира Форум за развој на културните политики, кој ќе обезбеди место за дијалог поврзан со процесот на развивање на стратегијата за културен развој (2018-2022). Организацијата на форумот е поддржана од УСАИД, преку Проектот за граѓанско учество.

Повеќе...

Презентација и дискусија: „Креативноста во Креативна Европа – потпрограма Култура“ (12.09.2017)

Министерството за култура на Република Македонија (Одделение за Креативна Европа – потпрограма Култура) во соработка Филмскиот фонд на Република Словачка (Канцеларија за Креативна Европа – Култура) организираат презентација и дискусија на тема: „Креативноста во Креативна Европа – потпрограма Култура“, кои ќе се одржат на  12 септември 2017 година со почеток во 10:30 часот во Музејот на современа уметност во Скопје.

Повеќе...

Инфоден и работилница посветени на категоријата Проекти за соработка на програмата Креативна Европа на ЕУ

Министерството за култура на Република Македонија, во соработка со Министерството за култура на Република Хрватска на 29 август со почеток во 10:30 часот, во просториите на ЕУ Инфоцентарот во Скопје организира „Инфоден и работилница посветени на категоријата Проекти за соработка на програмата Креативна Европа на ЕУ.

Повеќе...

Известување за јавни дискусии за Програмата „Креативна Европа“ на ЕУ во рамки на фестивалите Македокс и Струшки вечери на поезијата

Канцеларија на Креативна Европа - Култура и МЕДИА при Министерството за култура на Република Македонија и Агенцијата за филм на Република Македонија, во соработка со Министерството за култура на Република Бугарија (Канцеларија на Креативна Европа – Култура) и Канцеларијата на Креативна Европа - МЕДИА на Република Чешка, ќе учествуваат со презентации и дискусии во рамки на Фестивалот за креативен документарен филм  „Македокс“ и Фестивалот „Струшки вечери на поезијата“ (во склоп на Европската поетска платформа „Версополис“). Двата фестивали се поддржани од Програмата Креативна Европа.

Повеќе...

Известување за именување на членови на Управниот одбор на Манифестацијата „Струшки вечери на поезијата“

Министерот за култура на Република Македонија, Роберт Алаѓозовски, донесе одлука за именување на членови во Управниот одбор на Манифестацијата „Струшки вечери на поезијата“. Како членови на Управниот одбор на Струшките вечери на поезијата од редот на истакнати уметници и културни работници се именувани проф. д-р Елизабета Шелева (претседател на Управниот одбор), Лидија Димковска и Димитрие Дурацоски.

Повеќе...

Соопштение за употребата на службените картички од страна на функционерите на Министерството за култура во периодот 2011 – 2017 година

Во врска со објавените информации од јавен карактер од страна на Министерството за култура на Република Македонија, а кои се однесуваат на трошоците направени преку службените картички на носителите на највисоки функции во структурата на Министерството во периодот од 2011 до 2017 година, ја известуваме јавноста дека во Министерството за култура веќе се преземаат конкретни активности за утврдување на начинот, на кој овие картички биле користени од страна на функционерите и сите овластени лица од нивните кабинети.

Повеќе...

Доставување информации од јавен карактер: извод од службените картички 2011 - 2017

Министерството за култура, водејќи се од принципот на  транспарентност, отвореност, економичност и со цел заштита на животната средина, и во иднина, сите барани информации од јавен карактер, кои ќе бидат со поголем обем, ќе практикува да ги доставува до барателот и до јавноста во електронска форма...

Повеќе...

Соопштение за доделување на државната награда „Мајка Тереза“ во 2017 година

Одборот за доделување на државната награда „Мајка Тереза”, во согласност со Законот за државните награди („Службен весник на РМ” бр.52.06), Законот за изменување и дополнување на Законот за државните награди (,,Сл.весник на РМ,, бр.54/07 и 74/12) и Правилникот за работа на Одборот  на својата седница одржана на 7.6.2017 година донесе

Повеќе...

Информативни сесии за конкурсот за Манифестацијата „Нов културен Бран“

Министерството за култура на Република Македонија ја информира јавноста и сите потенцијални апликанти на конкурсот за Манифестацијата „Нов културен бран“ дека ќе организира информативни сесии, со цел граѓаните и сите заинтересирани страни да се запознаат подобро со целите и приоритетите на конкурсот и Манифестацијата и да ги дознаат сите информации кои им се потребни за подготвување на поуспешна апликација.

Информативните сесии ќе се одржуваат по следниов распоред:

Повеќе...

МАНИФЕСТАЦИЈА „НОВ КУЛТУРЕН БРАН“2017

Со цел да се обезбеди деметрополизација, деконцентрација на културата, истата да се дисперзира во локалните средини, да се збогати, омасови, интензивира, динамизира и раздвижи културната понуда, од крајот на август до почетокот на октомври 2017 г (или до исцрпување на средствата) Министерството за култура ќе ја  реализира манифестацијата „Нов културен бран“.

Наместо како што беше конципирана претходно додека се нарекуваше „Топол културен бран“, кога општините се јавуваа како единствени организатори и апликанти на конкурсот на манифестацијата, интенцијата е да се поттикне и активира независната културна  сцена, а за остварување на ваквите заложби, право за учество и конкурирање со проекти за манифестацијата ќе имаат здруженија на граѓани, асоцијации, фондации и поединци од областа на културата кои треба да имаат квалитетна, естетизирано профилирана и вредносно издржана понуда. На тој начин ќе се воспостави и конкурентност, раздвижување и вдахнување на нови и свежи импулси во осмислувањето и унапредувањето на дејноста во целина.

Идејата е да се поттикне значењето на граѓанскиот сектор преку делувањето на невладините организации, здруженија и асоцијации од областа на културата, за кои се смета дека можат да внесат „посвежи“ идеи и поиновативни пристапи во креирањето на културната понуда, во пософистициран и естетизиран пристап во конципирањето на проекти кои се во слух со времето. Отстапувањето „простор“ за нив ќе ја покаже желбата и отвореноста за поинаков, слободен пристап до создавањето и презентирањето на културниот и уметничкиот „продукт“, а  можноста за паралелни случувања ќе ја надополнуваат официјалната, институционална форма на делување.

Преку проектот, Министерството за културата  ќе настојува да обезбеди „култура до сите и за сите“. Освен во установите од областа на културата, локациите на одржување на културните и уметничките содржини ќе бидат користени и други јавни и алтернативни простори, дури и нефункционални, руинирани објекти или простори кои можат да се „оживеат“ и да се „рестартираат“ како уметничка сцена.

Осврнувајќи се на обемот и карактерот на настани кои беа реализирани во претходните години, ќе се констатира дека се организирани стотина настани од разни области на творештвото. Притоа, забележливи се содржини кои повеќе припаѓаат на „естрадата“, а за кои нема да има место во годишнава сесија на манифестацијата, чија цел не е естрадизација на културата, туку поддршка на вистинските и современи културни и уметнички изрази и вредности.

Во областа на музичко - сценската дејност, би се поддржале настани со разновидна жанровска содржина и тоа и од класичната и од фолклорната провиниенција, при што од самиот карактер на настаните ќе треба да се избира и локацијата на одржувањето (камерни, хорски или солистички концерти, настапи на фолклорни ансамбли, пејачки групи, изворни оркестри, рок, џез, гаражни бендови и сл.)

Во рамките на театарската дејност, би било пожелно за изведба да се понудат претстави кои се адаптибилни за отворен простор, пред се со малубројна актерска екипа и неоптоварени со гломазна сценографија и техника. Таквите претстави, со својата мобилност како адут, би можеле да гостуваат на повеќе места.

Ликовната дејност, освен преку вообичаени претставувања на самостојно или групно творештво, би била застапена преку разновидни уметнички делувања, во урбан и природен простор, преку интервенции, акции, хепенинзи и други креативни „вон-уметнички“ форми на делување. Интересен пристап би можел да биде и своевидното естетско преобликување на некои руинирани урбани делови и објекти, на кои ќе им се даде ново уметничко видување и смисла.  

Од областа на литературата, интересен би бил пристапот на симбиоза на книжевниот и поесткиот збор со други видови уметнички изрази, на локации од каде што силно ќе рефлектира „ехото“ на пишаниот збор  (Кокино, Матка на пример).

Предност при изборот на проекти би имале мали мобилни содржини, кои би биле реализирани барем во неколку регионални и локални средини. 

КОНКУРС ЗА МАНИФЕСТАЦИЈАТА „НОВ КУЛТУРЕН БРАН“ ВО 2017 ГОДИНА

ПРИЈАВА ЗА МАНИФЕСТАЦИЈАТА „НОВ КУЛТУРЕН БРАН“ ВО 2017 ГОДИНА

kultura_logo_2

oglas

 
    

Линкови

vladamkpretsedatel

sobraniee-demokratija-banner

uslugigovmkkomisija-za-pris-jk

sekretarijatzaeuinvest-macedonia

uzknunesco

ohridsko-letongm

mobmf

logo_tanec

exploring-macedonia

rss соопштенија