Утврдена програмата за фестивалот на народни песни и игри „Илинденски денови“

Ilindenski_denovi

Фестивалот на народни песни и игри „Илинденски денови“ има натпреварувачки карактер, а се одржува под покровителство на Собранието на Република Македонија и со поддршка на Министерството за култура...

Фолклорни ансамбли, групи и културно уметнички друштва од Чиле, Чешка, Хрватска, Грција, Словенија и од Македонија ќе ја исполнат програмата на 47. издание на фестивалот на народни песни и игри „Илинденски денови“ кој од 29 јули до 1 август ќе се одржува во Битола.

Во Центарот за култура-Битола, домаќин и организатор на фестивалот се подготвени за пречек на над 1.000 фолклористи, играорци, стручни лица и инструменталисти кои, како што вели Борче Димитровски, директор на НУ Центар за култура-Битола, се подготвуваат цела година за својот репрезентативен настап на најстариот фестивал во градот.

-Единствениот фестивал на народни песни и игри во Македонија и годинава на публиката ќе и ја понуди традиционалната изворна песна, игра и обичаи. Продолжуваме да го негуваме новото руво на фестивалот односно интернационалната димензија која ја востановивме пред 10 години и тоа ни овозможува да го зголемиме нивото на програмата и секако повеќе публика, посочи Димитровски.

На фестивалските сцени во Битола ќе настапат ансамблот „Лос дел Био Био“ од Чиле, „Полтана“ од Брно-Чешка, АФС „Франце Маролт“ од Љубљана-Словенија, „Филои Тис Парадосис“ од Кожани-Грција, а ќе гостуваат и три ансамбли од Хрватска.

– Македонското културно уметничко друштво „Браќа Миладиновци“ од Осиек го негува македонскиот фолклор, КУД „Петофи Пандор“ од Ласлово го негува унгарскиот фолклор додека третото КУД од Хрватска, „Петар Прерадовиќ“ од Ѓурѓевац го негува хрватскиот фолклор. Но заслужено внимание ќе имаат и 30 македонски фолклорни групи кои освен на дефилето ќе настапат и во Старата битолска чаршија, Магазата, на Широк Сокак и на античкиот локалитет „Хераклеа“ каде ќе биде завршната интернационална фестивалска вечер,истакна Димитровски.

Фестивалот на народни песни и игри „Илинденски денови“ има натпреварувачки карактер, а се одржува под покровителство на Собранието на Република Македонија и со поддршка на Министерството за култура.

kultura_logo_2

oglas

 
    

Линкови

vladamkpretsedatel

sobraniee-demokratija-banner

uslugigovmkkomisija-za-pris-jk

sekretarijatzaeuinvest-macedonia

uzknunesco

ohridsko-letongm

mobmf

logo_tanecarheoloski-vesnik

exploring-macedonia

macefdrr     

 cultema_logo    msu_logo_mk