Македонската книжевност првпат ќе биде претставена на Саемот на книгата во Варшава

Меѓународниот саем на книгата во Варшава е еден од најголемите во овој дел на Европа. Оваа година ќе учествуваат околу 800 издавачи од 32 држави од пет континенти, а земја почесен гостин ќе биде Германија ...

Република Македонија годинава првпат ќе учествува на Меѓународниот саем на книгата во Варшава, Полска, што ќе се одржува од 17 до 21 мај годинава. Организатор на претставувањето на македонската книжевност и македонското издаваштво ќе биде Националната и универзитетска библиотека „Св. Климент Охридски“ - Скопје. 

НУБ на македонскиот штанд ќе изложи околу 300 изданија од областа на книжевноста, културата и уметноста, избрани публикации од капиталните издавачки проекти 135 тома „Македонска книжевност“ (во оригинал и на англиски јазик) и антологии на македонската книжевност преведени на шест странски јазици (руски, француски, германски, шпански, кинески и арапски).

На штандот ќе биде презентирана и книгата „Пораките на свети Климент Охридски“ од претседателот Ѓорге Иванов, која НУБ „Св. Климент Охридски“ во соработка со Кабинетот на Претседателот ја објави двојазично, на македонски и на англиски јазик, по повод одбележувањето 1100 години од упокојувањето на свети Климент Охридски.

- За доближување на новата македонска книжевност до полските читатели и издавачките куќи, специјално се подготвени и отпечатени поединечни брошури на полски јазик за 14 современи македонски автори од помладата и од средната генерација: Николина Андова-Шопова, Јулијана Величковска, Владимир Илиевски, Владимир Јанковски, Вера Калин, Стефан Марковски, Марта Маркоска, Владимир Мартиновски, Никола Маџиров, Марина Мијаковска, Блаже Миневски, Елена Пренџова, Давор Стојановски и Јовица Тасевски-Етернијан. Брошурите содржат био-библиографии, куси извадоци од критички осврти за делата и избрани песни или извадок од роман или расказ - соопшти НУБ.

Брошурите, заедно со информации за Конкурсот на Министерство за култура за странски издавачи, на полски и на англиски јазик, ќе бидат дистрибуирани до издавачите од Полска и до сите други заинтересирани издавачи.

Централниот настан ќе биде македонскиот ден - в сабота, 20 мај, во главната сала за промоции, на кој ќе биде претставена современата македонска поезија и проза, со настап на авторите Блаже Миневски, Јовица Тасевски-Етернијан и Владимир Илиевски. Овој настан НУБ го организира заедно со Амбасадата на Република Македонија во Варшава. 

Меѓународниот саем на книгата во Варшава е еден од најголемите во овој дел на Европа. Оваа година ќе учествуваат околу 800 издавачи од 32 држави од пет континенти, а земја почесен гостин ќе биде Германија.

obrakanje-minister

Фотогалерии

  • 0
  • 1
  • 2

oglas

 
    

Линкови

vladamkpretsedatel

sobraniee-demokratija-banner

uslugigovmkkomisija-za-pris-jk

sekretarijatzaeuinvest-macedonia

uzknunesco

ohridsko-letongm

mobmf

logo_tanecarheoloski-vesnik

exploring-macedonia

macefdrr     

 cultema_logo    msu_logo_mk