МОБ ја пpезакажа за две недели премиерата на мјузиклот „Тајно моја“

Tajno_moja

Македонската опера и балет за две седмици ја презакажа премиерата на мјузилкот „Тајно моја“ посветен на Тоше Проески...

Како што е објавено на репертоарот на МОБ, наместо на 10 март, мјузиклот премиерно ќе биде изведен на 24 март, а репризата наместо на 21-ви ќе биде на 26 март. Покрај двете, закажана е и трета изведба на 28 март.

„Тајно моја“ е проект во копродукција со фондацијата „Тоше Проески“ во чест на најголемата македонска музичка ѕвезда. Организиран е во годината кога се одбележуваат десет години од прераната смрт на Тоше (1981-2007). Мјузиклот е базиран на голем број негови музички хитови, како Тајно моја, Немаш ни благодарам, Игри без граници, Полско цвеќе, Усни на усни, Сонце во твоите руси куси, The Hardest Thing…

Аранжманите на музиката се на Кокан Димушевски и Сони Петровски, либретото е на Огнен Неделковски. Режисер е Тони Михајловски, диригент Иван Еминовиќ, кореограф Олга Панго. Сценографијата е на Марија Ветероска, костимографијата на Марија Пупучевска.

Мјузиклот ќе има два чина и ќе учествуваат: Антонија Гиговска, Денис Димоски, Јана Стојановска, Александар Тарабунов, Игор Џамбазов, Весна Петрушевска, Арна Шијак, Дејан Лилиќ, Лазе Манасков, Сара Гигова, Хелена Мочевиќ, Љупка Арсова, Тања Бојковска, Мила Николовска, Анастасија Аврамовска, Симеон Коруноски, Јане Дунимаглоски, Ристе Гавроски, Марко Димитриевски, Марјан Стојановски.

Ќе настапат Оркестарот, Хорот и балетскиот ансамбл на Македонската опера и балет.

kultura_logo_2

oglas

 
    

Линкови

vladamkpretsedatel

sobraniee-demokratija-banner

uslugigovmkkomisija-za-pris-jk

sekretarijatzaeuinvest-macedonia

uzknunesco

ohridsko-letongm

mobmf

logo_tanecarheoloski-vesnik

exploring-macedonia

macefdrr     

 cultema_logo    msu_logo_mk