Отворена посета за медиумите на Македонската филхармонија

По повод утрешниот свечен почеток на концертната сезона на НУ Македонска филхармонија, утре (среда, 25 октомври 2017) во 11 часот се организира посета на новиот објект на Македонската филхармонија, кој целосно ќе биде отворен за фотографирање и снимање од страна на медиумите.

При посетата, в.д. директорот на Македонската филхармонија, Виктор Илиески детално ќе ги информира медиумите за сите техничко - правни процедури што го следеа отворањето на новиот објект и кои доведоа до доцнење на почетокот на новата сезона. На посетата за медиумите на новата зграда на Филхармонијата ќе биде присутен и министерот за култура на Република Македонија, Роберт Алаѓозовски.