Министерот Адеми се сретна со директорот на Саемот на книга во Франкфурт

Во рамките на својата работна посета на најголемата книжевна манифестација во европски рамки, Саемот на книгата  во Франкфурт, министерот за култура Асаф Адеми, денеска оствари средби со раководните структури на саемот, со директорот за меѓународна соработка Тобијас Вос и со генералниот  извршен директор Јурген Бос ...

Frankfurt_12.10.2018_-_naslovna

На средбите министерот Адеми  го изрази своето задоволство што Република Македонија веќе со години е присутна на Саемот и потенцираше дека оваа манифестација е убава можност, пред европската и светската културна јавност да се претстави богатството на една национална култура, актуелните културни политики на една држава, степенот на развој на издавачката дејност, но и другите потенцијали од економски, туристички и други аспекти.

„Република Македонија е современа културна и книжевна средина и презентацијата на авторите од Република Македонија и нивното творештво во меѓународни рамки  е приоритет на Министерството за култура“, изјави Адеми.

frankfurt_9

На средбите  соговорниците беа информирани  дека во  Република Македонија се прават напори за олеснување на пробивот на авторите на меѓународниот пазар преку мерки како што е Конкурсот за странски издавачи. Воедно Адеми информираше и за заложбите да се ефектуира работата на посебната Агенција за книга која во иднина ќе се грижи за сите активности поврзани со литературната и издавачката дејност.

На средбите со директорот за меѓународна соработка и извршниот директор беа разменети повеќе размислувања околу искуствата и практиките кои овозможуваат ефикасна промоција на една држава на оваа голема меѓународна манифестација.

Frankfurt_8

Исто така  беше изразен интересот за поголема соработка со германските издавачи и автори како и се разбира подготвеноста и интересот за државно претставување на Република Македонија во рамките на програмата „Почесни гости“ (Guest of Honour) на Саемот на книгата во Франкфурт.

Министерот изрази уверување дека Република Македонија и Министерството за култура би ги вложиле сите свои капацитети и можностите за едно достојно претставување на нашата држава на овој престижен саем.

frankfurt_12.10.2018_-_2_nova

Во попладневните часови министерот за култура ќе оствари и средба со извршниот директор на Традуки, чија полноправна членка Република Македонија стана во ноември 2017 година. 

ohridsko_leto_nova-2

 
    

Линкови

vladamkpretsedatel

sobraniee-demokratija-banner

uslugigovmkkomisija-za-pris-jk

sekretarijatzaeuinvest-macedonia

uzknunesco

ohridsko-letongm

mobmf

logo_tanec

exploring-macedonia