Новости

Се прославува Светскиот ден на книгата и на авторското право

Во НУБ „Свети Климент Охридски“ во Скопје, денеска во пријатна атмосфера со бројни гости од сферата на литературата и библиотекарството, се одржа централна прослава за одбележување на Светскиот ден на книгата и на авторското право. Македонската порака годинава ја испрати министерот за култура на Република Македонија, Роберт Алаѓозовски, кој рече дека денес го славиме медиумот кој векови наназад овозможува пренесување на универзалните знаења и искуства.  „На овој ден, човештвото ја слави слободата, но и борбата за слобода и еманципација во исто време. Во таа вечна борба, книгата е еден од најважните столбови на слободата, човековото себепознавање и слободно изразување и комуницирање“, истакна министерот Алаѓозовски.

svetski_den_na_kniga_2018_foto_naslovna

Повеќе...

Со „Тишина, на турнеја сме!“ завршува „Танц фест 2018“

Во Македонскиот народен театар, вечерва (23 април) со почеток во 20 часот со претставата „Тишина, на турнеја сме!“ на компанијата „Покемон“ од Франција завршува „Танц фест 2018“. Кореографијата е на уметничкиот директор на компанијата Ријад Фгани, а настапуваат шест ексклузивни танчари.

tanc-fest9

Компанијата „Покемон“ е една од најатрактивните француски танцови компании, кои ја негуваат синергијата помеѓу современиот танц и хип-хопот.

Во најавата на „Танц фест“ се вели дека „Тишина на турнеја сме!“ изобилува со несекојдневна експресија, извонредни тела кои се движат по сцената на експресивен начин, со цел да доловат атмосфера на живеење од 30 години на 20 век, во кои танцот има своја улога.

Претставата е омаж на развојот на киното во 30-тите години на 20 век и неговата уметничка експресија, на сцената се случува синергија на хип хоп движења, музикалните комедии на тоа време и современиот танц. Компанијата потекнува од градот Лијон, каде во 19 век браќата Лимие го измислуваат киното. Црно-белиот филм е подлога за коларативен танц, низ музички ритмови кои варираат, како трибут на киното и модерното време и потрага по нови димензии.

Компанијата „Cie Pockemon Crew“ е основана во 1997 година. Уметничкиот директор Ријад Фгани е член на компанијата од нејзиното основање, а уметничкото водство го презема во 2004 година. Во 2007 година компанијата го освојува првото место на КБ шампионатот во Кореа.

Фгани, како уметнички директор развива посебен стил, синергија на танц од различни стилови и артисити, како современи танчери, балерини, циркуски изведувачи, мимичари и актери. Тој прифаќа во 2005 година нови генерации на брејк данс изведувачи, со кои развива сопствен метод на работа. Во 2003 година, компанијата започнува соработка и со Националната опера на Лион, која трае до денес.

Фестивалот „Танц фест“ е поддржан од Министерството за култура и Град Скопје, а оваа претстава ќе се реализира и со поддршка на Францускиот институт во Македонија и Охридска банка.

Фестивал на германски филмови за деца и млади во Кинотека

Со проекција на германскиот  игран филм „Венди“, денеска, 23 април, со почеток во 12 часот, во Кинотека на Македонија започнува Фестивалот за слика и филм за деца и млади (БУФ).

BUF

Во рамки на програмата на фестивалот кој годинава се одржува по седми пат, од 23 до 28 април, со проекции од 12 и 18 часот ќе бидат прикажани пет играни филмови.

Посетителите  освен филмот „Венди“ ќе можат да ги проследат и филмовите: „Беше еднаш во земјата на индијанците“, „Биберковците и клетвата на црниот крал“, „Амели трча“ и „Тајната на смарагдот.

Филмовите ќе бидат прикажани во оригинал со превод на македонски и албански јазик и се наменети за сите деца кои можат да го читаат преводот или разбираат германски јазик.

Фестивалот се реализира од страна на „Гете-институт“ Скопје во соработка со Кинотека на Македонија.

Музичка младина на Македонија со концерт во чест на Ѓумар

Камерниот оркестар на Музичката младина на Македонија денес (недела, 22 април) од 20. часот во големата сала на Македонската филхармонија ќе одржи концерт во чест на својот долгогодишен диригент и уметнички раководител Саша Николовски Ѓумар (1966-2017)...

gjumar

Повеќе...

МНТ ја најавува премиерата на „Дух“

Во вторник (24 април), Македонскиот народен театар ќе ја изведе премиерата „Дух“, по текст на Дејан Дуковски, во режија на Срѓан Јаниќијевиќ. Ова е првата премиера од Годишната програма на МНТ, финансирана од Министерството за култура...

duh_plakat

Повеќе...

Комедија со „Жена ми се вика Борис“ гостува во Охрид

Театар Комедија ја, утре (21 април) ќе гостува во Народен театар- Охрид со хит претставата „Жена ми се вика Борис“, во режија на Синиша Евтимов ...

komedija_-_Ohrid

„Жена ми се вика Борис“, како што велат од Комедија,  ги ревидира моралните кодекси на однесување, а дејството во пиесата е адаптирано и локализирано во македонски контекст, каде ќе го препознаете менталитетот и стереотипите на современото живеење на семејствата на некои овдешни политичари и успешни бизнисмени.

Прељубата, лагата, интригата и страста се вонвременски теми, врз кои се градат заплетите во оваа комедија и  ќе ве држат со широка намесвка во текот на целата претстава.

Охридската публика во претставата  ќе може да ги види актерите: Сашо Ристовски, Роберт Ристов, Мими Поповска – Ристов, Ева Скендеровска, Жаклина Петровска, Столе Мицов и Александар Михајловски.

Шќипе Мехмети изложува во Софија

Во Културно-информативниот центар на Република Македонија во Софија во тек е изложбата „Женската фрагилност и или моќ“ на авторката Шќипе Мехмети ...

shkipe_i_nasev

Изложбата пред голем број публика во галеријата на КИЦ на РМ ја отвори директорот на Центарот, Сашко Насев. Ова претставување на младата уметница се состои од 22 графики работени во техниката сува игла.

Отварањето на изложбата помина во позитивна атмосфера со многу гости од уметничкиот и културниот свет на Софија, ликовни уметници од различни генерации, новинари, дипломати и други.

Изложбата „Споменици на Револуцијата“ на Марко Кројач во Кочани

Во Центарот за култура „Бели мугри" во Кочани утре (21 април) со почеток во 20 часот ќе биде отворена изложбата „Споменици на Револуцијата“ на слободниот уметник, активист, музичар, ди-џеј и хроничар, кој живее и работи во Берлин, Марко Кројач ...

30729747_10215242114381712_3610457488790388736_n

Неговата изложба на фотографии печатени во сито техника ги архивира партизанските споменици од бивша Југославија и покажува како се менувале културните сеќавања и концептите на идентитетот на балканските простори од Првата светска војна до денес.

Изложбата, чиј првичен фокус се спомениците во Македонија, нѐ  соочува со реалната состојба на овие ремек - дела, некои од нив реконфигурирани, напуштени или заборавени, но сѐ уште живи централни места на сеќавањата, историјата и комеморацијата. Таа отвора прашања, кои јасно ја покажуваат сложеноста на процесот во градењето на мирот на Балканот и поделбите поврзани со минатото, години после војни и насилство.

Марко Кројач, кој е дел од мултимедијалниот колектив „Центрифуга“ од Берлин каде активно музицира и работи со сито - печат, ќе ја промовира и својата книга “Залудградител“ работена на сито - печат, а на тема споменици на народната борба на просторите на бивша Југославија. Досега реализирал бројни изложби во Токио, Женева, Белград, Берлин, Париз и многу други градови во светот како самостоен уметник и архивар на споменичното културно наследство на некогашна Југославија.

Изложбата е во организација на „Задруга5060“ во соработка со локалната независна сцена со локалните самоуправи, како и со делумна поддршка на Министерството за култура. Оваа поставка досега беше прикажана во Штип, а по отворањето на изложбата во Кочани, ќе биде презентирана и во Прилеп, Битола, Струга и Крушево.

Со македонски филм, синоќа беше отворен 21. Скопје филм фестивал

Со премиера на играниот филм „Година на мајмунот“ по сценарио и режија на Владимир Блажевски и во продукција на „Панк филм“, синоќа во кино „Милениум“  се отвори  21. Скопје филм фестивал ...

skopje_film

На отворањето присуствуваше министерот за култура Роберт Алаѓозовски. Новиот филм на Блажевски „Година на мајмунот“ е црна комедија, копродукција меѓу Македонија, Србија, Словенија и Косово. Во главната улога е Игор Ангелов, а во актерската екипа се и: Марија Кон, Решит Береда, Рефет Абази, Тања Кочовска, Петер Елиот. Директор на фотографија е Димо Попов. Филмот се снимаше во 2016 година на  80-ина локации низ Македонија.
„Година на мајмунот“ ќе се прикажува во киносалите на „Синеплекс“, а светска премиера ќе има на 23 април на Московскиот меѓународен филмски фестивал.

skopje_film1

Во програмата Македонска продукција на 21. СФФ ќе бидат прикажани осум филмови, меѓу кои е вечерашнатапремиера на документарниот филм „Кобра“ во режија на Игор Иванов - Изи, како и „Види ја ти неа“ на Горан Столевски, кој освои награда за најдобар краток филм на фестивалот Санденс. Во Ретроспектива на Хичкок, пак се пет филма: „Заден прозорец“, „Психо“, „Ребека“, „Птици“ и „Туѓинци во воз“.

Во рамки на фестивалот ќе има и две работилници - режисерот на „Таксим холдем“, Мајкл Ондер, ќе одржи работилница за снимање нискобуџетен филм во Кинотека на Македонија, каде ќе има и средба со продуцентот на филмот, Јосеф Еревчик Амадо. Француските режисери Леа Мисиус и Кристоф Режин, пак, на 23 април на Универзитетот ЕФТА ќе одржат работилница: „Како се пишува, режира и продуцира прв игран филм“. Во кино „Фросина“ во понеделник ќе биде промовирана книгата „За засрамените геј мажи“.

Автор на плакатот за годинашното издание на фестивалот е младиот македонски дизајнер Ѓорѓи Десподов.

Надминат застојот, започнува втората фаза на изградба и внатрешно уредување на Турскиот театар

Министерот за култура Роберт Алаѓозовски денес оствари средба со делегација на Генералниот директорат на Државните театри на Република Турција, по што заедно со генералниот директор Мустафа Курт и министерот без ресор во Владата на Република Македонија Аднан Ќахил го посетија објектот на НУ Турски театар, којшто влегува во втора фаза на внатрешно уредување и техничко опремување што ќе се реализира во соработка со Генералниот Директорат на државните театри на Република Турција...

press_turski_teatar_19_april_2018_naslovna

Повеќе...

oglas

 
    

Линкови

vladamkpretsedatel

sobraniee-demokratija-banner

uslugigovmkkomisija-za-pris-jk

sekretarijatzaeuinvest-macedonia

uzknunesco

ohridsko-letongm

mobmf

logo_tanec

exploring-macedonia