Денови на македонската култура во Естонија

Среда, 30 Ноември 2011 12:19

Со спектакуларен настап на Ансамблот за народни игри и песни „Танец“ во реномираната концертна сала „Нокиа“ во Талин, европската престолнина на културата за 2011 година, како и со концерт на Кирил Џајковски и неговиот бенд во клубот „Балоу“ на 6 ноември завршија “Деновите на македонската култура“ во оваа балтичка земја. Министерката за култура за време на престојот во Естонија во Талин оствари посета на повеќе институции, а остари средба со директорите на установите, како  Музејот на уметноста (КУМУ) кој во 2008 година беше прогласен за најдобар европски музеј, Националната библиотека и Куклениот младински театар и музеј (НУКУ). Претходно министерката за култура оствари и билатерална средба со естонскиот министер за култура Реин Ланг со кој се договорија за интензивирање на соработка во областа на културата меѓу Република Македонија и Естонија.