Врз основа на членовите 1,2,7,12,16,17 и 18 од Законот за државните награди, Законот за изменување и дополнување на Законот за државните награди  („Службен весник на Р.М.” бр.52/06 и бр.54/07) и Правилникот за работа, Одборот за доделување на државната награда „Мито Хаџи Василев -Јасмин”, на седницата одржана на 7.12.2011 година  донесе 

О Д Л У К А

за доделување на државната награда „Мито Хаџи Василев -Јасмин” во 2011 година за остварувања во областа на публицистиката и новинарството од интерес на Република Македонија

1. За остварување во областа на публицистиката, државната награда му се доделува на ::

- Тина Иванова Бејков, публицист.

2. За остварување во областа на новинарството, државната награда ја делат:

-  Драган Антоновски и Предраг Димитровcки, новинари.

3. Оваа одлука влегува во сила од денот на донесувањето, а ќе биде објавена во “Службен весник на Република Македонија”.

Претседател на Одборот

                                  за доделување на државната награда

“Мито Хаџи Василев - Јасмин”,

проф. д-р Веле Смилевски

ДРЖАВНА НАГРАДА „МИТО ХАЏИ ВАСИЛЕВ-ЈАСМИН“  
(21 декември)

Согласно со член 7 од Законот за државните награди и Законот за  изменување и дополнување на Законот за државните награди („Службен весник на Р.М.“ бр.52/06 и 54/07) со наградата „Мито Хаџи Василев-Јасмин“ се оддава признание за остварувања во областа на публицистиката и новинарството.

Во една година можат да се доделат најмногу две награди.

Државната награда ја доделува Одборот за доделување на државната награда „Мито Хаџи Василев-Јасмин“, составен од претседател и 12 члена, кој распишува конкурс и донесува одлука за доделување на наградата.

Конкурсот трае од 1 до 31 октомври.

Државната награда се врачува во Собранието на РМ на 21 декември – денот на раѓањето на Мито Хаџи Василев-Јасмин.

Државната награда „Мито Хаџи Василев-Јасмин“ за првпат е доделена во 1969 година.