Министерот за култура Елизабета Канческа-Милевска денеска (29.6.2009 година) ќе има свое обраќање на конференцијата ,,Придобивките од ерата на холокаустот“, која се одржува од 26 до 30 јуни во Прага, Република Чешка, а е во организација на Владата на Република Чешка.

Со проекцијата на филмот  „Добредојде“ и во присуство на режисерот Филип Лиоре, на 28.6 2009 година во Центарот за култура „Григор Прличев“ во Охрид почна вториот Фестивал на францускиот филм. Фестивалот го отвори министерката за култура Елизабета Канческа-Милевска која истакна дека Фестивалот има големо значење за продлабочување на соработката меѓу македонската и француската кинематографија.

Најпознатиот композитор на филмска музика на дваесеттиот век, славниот Енио Мориконе, на 12 јули ќе го отвори 49. издание на нашата најголема културна манифестација „Охридско лето. Тој изработил филмски теми за преку 400 филмови низ изминатите неколку децении. Големиот композитор, за концертот на отворањето на Охридско лето, доаѓа со Симфонискиот оркестар на Будимпешта - Гјор, а ќе биде придружуван од хорот на Македонската опера и балет.

Со операта „Плаштот“ од Џакомо Пучини вчера, во 21.30 часот беше отворена културната манифестација Скопско лето, која ќе трае до 31 јули. Публиката во Скопје ќе има можност да присуствува на повеќе од 70 концерти, изложби, претстави, филмски проекции, промоции, мултимедијални перформанси на кои ќе продефилираат повеќе од 2000 уметници од нашата и од петнаесетина странски земји. Ќе има гостувања на оркестри, солисти, уметници од Канада, Велика Британија, Франција, Германија, Албанија, Србија, Хрватска, Бугарија, Унгарија. Традиционално и годинава поголемиот дел од изведбите ќе бидат на отворени локации.

Владата на Република Македонија  ги исполни сите неопходни услови за реализирање  на доменот, кој најсликовито го претставува прагот за „топла врска“ со Европа,  визната либерализација.